المقالات
12 مفاجأة للرؤساء التنفيذيين الجدد
زي ما قال تيم كوك، الرئيس التنفيذي لشركة أبل: "القيادة الحقيقية مش بس في الإنجازات، لكنها في توازنك الشخصي".
لو بقيت رئيس تنفيذي جديد، هتكتشف إن الشغل مش مجرد إدارة يومية؛ هتقابل تحديات وضغوطات مكنتش متوقعها. لازم تتعلم توازن بين الأولويات، وتاخد قرارات بحكمة، لأنو كل خطوة بتعملها بتسيب أثر كبير. هتلاقي نفسك قدام تحديات بسبب قرارات قديمة، ومهم تفهم سياسة الشركة حتى لو كانت معقدة. وأهم حاجة، متنساش تهتم بنفسك زي ما قال تيم كوك؟
5 أشهر مخططات لتحديد الأدوار في عملية صناعة القرار
لما كل الناس تبقى بتقرر، يبقى مفيش حد هيشتغل فعلاً!!!!!!!!!
تنظيم الأدوار بيوفرلك 30% من وقتك وبيضمن إن القرارات بتتاخد بشكل أسرع وأفضل.
لإنو عدم تحديد الأدوار والمسؤوليات في اتخاذ القرارات = تخبط وتأخير = تخطيط للفشل أو على الأقل تعطيل غير ضروري.
السيناريو المعتاد:
1- بتجمع الفريق في اجتماعات مثمرة.
2- بتحس إن الاستراتيجية واضحة وكل حاجة ماشية تمام.
3- بتستعد للتنفيذ.
وفجأة، تكتشف إن مفيش حد مستعد ياخد القرار النهائي. ليه؟ لأنك مكنتش محدد مين مسؤول عن إيه من البداية.
الموضوع بيبقى أصعب لما تكون شغال مع فرق متعددة الأقسام. الحل مش مجرد اتباع للسلسلة الإدارية.
النصيحة الذهبية: استخدم الدليل ده اللي بيشرح أشهر 5 مخططات لتحديد أدوار اتخاذ القرار:
1️⃣ حدد الأنسب لاحتياجاتك الفعلية.
2️⃣ خد لحظة وقف التنفيذ وطبق المخطط المناسب.
3️⃣ قلل الاجتماعات اللي بتضيع وقت وركز على القرارات المهمة.
4️⃣ سرّع عملية اتخاذ القرار ووصل لأهدافك بكفاءة.
في النهاية، خلق هيكل واضح للأدوار مش بس بيخلق راحة بال، لكنه كمان بيضمن إن كل واحد عارف دوره وبيتحمل مسؤوليته.
إيه هي مصفوفة BCG؟
إيه هي مصفوفة BCG؟
مصفوفة BCG (أو مصفوفة مجموعة بوسطن الاستشارية) هي أداة استراتيجية للشركات بتستخدمها عشان تحلل المنتجات أو الوحدات التجارية المختلفة داخل الشركة. الهدف منها إن الشركة تعرف إزاي توزع الموارد على المنتجات بناءً على وضعهم في السوق. المصفوفة بتقسم المنتجات لأربع فئات رئيسية، وبتحدد لكل فئة إزاي الشركة المفروض تتعامل معاها.
ليه الشركات بتستخدمها؟ لأنها ببساطة بتساعدهم في اتخاذ قرارات استراتيجية زي:
الاستثمار في المنتجات اللي بتحتاج دعم عشان تنمو.
الحفاظ على المنتجات اللي بتجيب دخل ثابت.
التخلص من المنتجات اللي بتكلف الشركة بدون فايدة.
التصنيف بيتم إزاي؟
المصفوفة بتعتمد على محورين:
معدل نمو السوق: هل السوق بتاع المنتج ده بينمو بسرعة ولا لأ؟
الحصة السوقية النسبية: هل المنتج بتاعك ماسك حصة كبيرة من السوق مقارنة بالمنافسين ولا صغير؟
إزاي الكلام ده بيطبق في الحياة؟
خلينا ناخد مثال شركة كوكاكولا:
عندهم منتجات زي الكوكاكولا التقليدية دي تعتبر من "الأبقار الحلوب" لأنها مسيطرة على السوق وبتحقق أرباح ثابتة من غير استثمار كبير.
في نفس الوقت عندهم منتجات زي مشروبات الطاقة، اللي هي لسه في طور النمو، ودي تعتبر "نجوم"، لأن السوق بتاعها بينمو بسرعة وعايز استثمار.
بكدا نكون عرفنا الفكرة العامة عن المصفوفة والهدف منها.
